Цахим хөгжил, харилцаа холбооны дэд сайдаар ажиллаж байсан Б.Болор-Эрдэнэ "Girls Code" хөтөлбөрөө дөрөв дэх жилдээ хэрэгжүүлэхээр болжээ.
Тэрбээр UNICEF Mongolia байгууллагатай хамтран гурван сарын турш Bootcamp буюу зуслан хэлбэрээр охидод код бичих болон хүний хөгжлийн чадварыг заах гэнэ. Хөтөлбөрт голчлон алслагдмал аймаг, сум, дүүргийн 16-18 насны охидыг хамруулдаг бөгөөд гурван жилийн хугацаанд хөтөлбөрт хамрагдсан 120 охины олонх нь гадаадын их, дээд сургуулиудад технологийн чиглэлээр суралцаж байгаа юм. Хөтөлбөрийн бүртгэл энэ сарын 20-ныг дуустал үргэлжилж, түүнээс хойш шалгалт, ярилцлага хэлбэрээр сонгон шалгаруулалт явагдах ажээ.
