Булган аймаг, Хангал сум Сөрт багийн "Дээд гурван- Эвэртэй" гэдэг газар ойн түймэр гарсан тухай дуудлагыг өчигдөр /2025.04.27/ 19:59 цагт Онцгой байдлын газарт ирүүлжээ. Тус аймгийн Онцгой байдлын газрын Хангал сумын Хялганат тосгон дахь 50 дугаар ангийн алба хаагчид, орон нутгийн иргэд ажиллаж 04.27-ны өдрийн 06:15 цагт цурманд оруулсан байна. Уг гал түймэрт урьдчилсан байдлаар 20 га ойн талбай шатжээ.
Мөн Булган аймаг, Орхон сум Ар булаг багийн “Ар булаг”-ийн даваа гэдэг газар түймэр гарсан талаарх дуудлагыг өчигдөр 23:06 цагт хүлээн Онцгой байдлын газарт ирүүлсэн байна. Дуудлагын дагуу тус сумын Засаг даргын Тамгын газрын даргаар ахлуулсан мэргэжлийн ангийнхан орон нутгийн иргэд ажиллаж галыг 23:30 цагт цурманд оруулсан бөгөөд 04.28-ны өдрийг 00:35 цагт бүрэн унтраасан байна. Уг гал түймэрт урьдчилсан байдлаар 0.2 га талбай өртөж шатжээ.
