“Төвийн бүсийн хурд-2025” хурдан морины уралдааныг энэ сарын 9-нд Увс аймагт зохион байгуулахаар болжээ.
Уралдааны бүртгэлийг Улаангомд маргааш буюу тавдугаар сарын 8-ны өдөр 20.00 цаг хүртэл хийх бөгөөд уралдаан болох өдөр бүртгэл явагдахгүй гэдгийг зохион байгуулагчид мэдэгдсэн байна. Мөн уралдааны морьдыг бүртгүүлэхдээ уралдаанч хүүхдийн төрсний гэрчилгээ, эцэг эхтэй нь хийсэн гэрээний хамт бүртгэх аж.
Түүнчлэн түрүү магнайд хурдалсан хүлгүүдийг алтан медаль, өргөмжлөл, мотоцикл, нөмрөгөөр шагнах бөгөөд их нас, азарга, соёолонг 50 мянган төгрөгөөр бүртгэж, хязаалан, шүдлэн, даагыг 30 мянган төгрөгөөр, сонгомол гурван насны морьдыг 50 мянган төгрөгөөр бүртгэнэ гэжээ.
