Өвөрхангай аймгийн Хужирт сумын харьяат Б.Гантигийн хүрэн хязаалан түрүүллээ

Тулгар төрийн 2234, Их Монгол Улс байгуулагдсаны 819 жил, Үндэсний эрх чөлөө, тусгаар тогтголоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойн Үндэсний их баяр наадмын хурдан морины уралдаан өнөөдөр /2025.07.10/ Хязаалан насны морьдын уралдаанаар эхэлж байна. Хязаалан насны хурдан морьд барианд орлоо.

Өвөрхангай аймгийн Хужирт сумын уяач Б.Гантигийн хүрэн,
Ховд аймгийн Чандмань сумын уяач Д.Лхагвасүрэнгийн халтар халзан,
Архангай аймгийн Чулуут сумын уяач Ц.Энхболдын халтар,
Говь-Алтай аймгийн уяач Б.Гантулгын бор,
Сүхбаатар аймгийн Баруун-Урт сумын уяач А.Наранбаатар хар.

ФОТО: Үндсэний их баяр наадам эхэлж, хязаалан насны морьдын шүдэлгээг хийж эхэллээ

Тулгар төрийн 2234, Их Монгол Улс байгуулагдсаны 819 жил, Үндэсний эрх чөлөө, тусгаар тогтголоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойн Үндсэний их баяр наадмын хурдан морины уралдаан өнөөдөр /2025.07.10/ Хязаалан насны морьдын уралдаанаар эхэлж байна.

Дөнгөж сая хязаалан насны морьдын сэрвээний хэмжилтийг хийж, гараа руу гаргаж эхэллээ. Энэ жил Хүнс хөдөө аж ахуй, хөнгөн үйлдвэрийн яам болон мэргэжлийн холбоодын баталсан журмын дагуу хязаалангийн сэрвээний өндрийг 137 см байхаар тогтсон бөгөөд хүний оролцоо багатайгаар буюу ухаалаг төхөөрөмжөөр хэмжиж байгаа юм. Мөн хязаалан насны морьдыг 17 км зайнаас уралдуулж, хурд хүчийг нь сорино. Түүнчлэн өнөөдөр 12:00 цагаас шүдлэн насны морьдын уралдаан болно. Харин маргааш азарга, их насны морьдын уралдаан болох бөгөөд энэ сарын 12-ны өдөр соёолон, даага насны морьдын уралдаан болох юм.