АНУ-д төвтэй “Moderna” биотехнологийн компанийн бүтээж буй коронавирусийн эсрэг "mRNA-1273" вакцины сүүлчийн шатны туршилт 94 хувьтай үйлчилж буйг албан ёсоор зарлаж, АНУ-ын Хүнс, эмийн удирдлагын газарт/FDA/ яаралтай эмнэлзүйд нэвтрүүлэх хүсэлтээ илгээнэ хэмээн мэдэгдлээ. Ингэснээр эмнэлзүйн зөвшөөрөл авахаар хүсэлтээ илгээсэн дэлхийн хоёр дахь вакцин болж байна.
Дөнгөж сая нийтэд зарласан вакцины шинэчилсэн мэдээллийг нийт 30 мянган сайн дурынханд хийсэн туршилтыг үндэслэн гаргажээ. Тодруулбал 30 мянган хүнээс 196 нь коронавирусийн халдвар авсан байсан бөгөөд тэдгээр нь бүгд "Moderna”-ийн вакцинд хамрагдаагүй иргэд байжээ. Өөрөөр хэлбэл уг вакциныг хийлгэсэн сайн дурынхнаас нэг ч хүн Covid-19-ийн хүнд хэлбэрээр өвдөөгүй байна.
Түүнчлэн тус вакцин хүнд нөхцөлд ямар үр нөлөөтэй байгааг дүгнэжээ. Туршилтад оролцсон хүмүүсээс 30 нь коронавирусийн хүнд хэлбэрээр өвдсөн бөгөөд тэд бүгд плацебо хэрэглэсэн байжээ. Вакцин хийлгэсэн сайн дурынхнаас хэн нь ч Covid-19-ийн хүнд хэлбэрийг тусаагүй тул дээрх дүгнэлтийг гаргасан байна.
"Moderna" компанийн гүйцэтгэх захирал Стефан Бансел “Энэхүү анхан шатны шинжилгээ нь манай вакцины 94.1% -ийн үр дүнтэй Ковид-19 өвчнөөс урьдчилан сэргийлэх чадварыг харуулж байна. Хамгийн чухал нь Ковид-19 өвчнөөс урьдчилан сэргийлэх чадварыг баталгаажуулж байна. Манай вакцин нь энэхүү цар тахлын явцыг өөрчилж урьдчилан сэргийлэх шинэ, хүчирхэг хэрэгсэл болно гэж бид үзэж байна” гэжээ.
Эх сурвалж: Guardian
