Оросын сөрөг хүчний улс төрч Алексей Навальныйн бүс нутгийн штабуудын удирдагч Леонид Волков хоёрдугаар сарын 14-нд дахин эсэргүүцлийн арга хэмжээ зохион байгуулна хэмээн мэдэгджээ.
"Бид энэ удаад жагсаалыг илүү боловсронгуй аргаар хийж, цагдаагийнхантай нүүр тулахгүй, ийм байдлаас зайлсхийнэ" хэмээн Волков ярьсан байна. Волковын мэдээлснээр, хоёрдугаар сарын 14-ний өдөр 20.00 цагт Оросын томоохон хотуудын бүхий л оршин суугчдыг гэрээсээ гарч, утасныхаа гэрлийг асаан, өндөрт өргөж, хэдэн минутын туршид ийм байдлаар зогсохыг Навальный штаб зөвлөж байгаа гэнэ. Ийм арга хэмжээ 15 минут үргэлжилнэ гэж тооцоолжээ.
Нэгдүгээр сарын 23 болон 31-ний өдрүүдийн эсэргүүцлийн арга хэмжээний үеэр "хүчирхийлэл, дарамт шахалт маш их байсан", 12 мянга орчим хүн баривчлагдсан гэж тэрбээр онцолсон байна.
