Ерөнхийлөгчийн сонгуульд АН-аас нэр дэвшигчээр Н.Алтанхуягийг бүртгээгүй тул УИХ дахь АН-ын бүлгийн Ц.Туваан, О.Цогтгэрэл, Н.Ганибал, Ж.Батсуурь, А.Адъяасүрэн, Д.Ганболд нар, мөн С.Ганбаатар, Н.Алтанхуяг нарын нийт найман гишүүн Сүхбаатарын талбайд суулт зарлаад буй.
Харин энэ талаар АН-ын дарга М.Тулгат өнөөдөр мэдээлэл хийж, “Үнэн, үзэл санаа хүчтэй байдаг юм. АН-ын талаар гарсан хууль, шүүхийн мэдээллийн талаар тэд үргэлж худал мэдээлэл тарааж байлаа. Өнөөдөр аргаа барж талбай дээр өлсгөлөн зарлаж байна. Талбай дээр хүн шатаж, иргэдийн бизнес нуран унаж байхад энэ гишүүд яагаад өлсөөгүй юм” гэж мэдэгдсэн юм.
