Монгол Улсын Ерөнхийлөгчөөр Х.Баттулга гэх эрхэм сүүлийн дөрвөн жилийн хугацаанд ажиллаад сар хүрэхгүй хугацааны дараа тус албан тушаалаас буух гэж байна. Учир нь Үндсэн хуулийн 30.2-д “Ерөнхийлөгчийн бүрэн эрхийн хугацаа 6 жил байна. Зөвхөн нэг удаа сонгоно” гэсэн тул тэрээр дахин нэр дэвших боломжгүй болсон юм.
Харин тэрээр энэ хугацаанд манай улсыг Шанхай хамтын ажиллагааны байгууллагын гишүүн орон болгох, Цаазын ялыг сэргээх, Парламент эсвэл Ерөнхийлөгчийн засаглалтай болох талаар иргэдээс асуух, Шүүх, Прокурор, АТГ-ын удирдлагуудыг Үндэсний аюулгүй байдлын зөвлөмжөөр чөлөөлдөг болох зэрэг “манай улсын парламентын засаглалыг өөрчлөх гэсэн байж болзошгүй” хэд, хэдэн ноцтой алхмуудыг хийсэн юм. Үүнийг бид тоймлон хүргэж байна.
