Украины арми өнгөрсөн амралтын өдөр ОХУ-ын мэдэлд ороод байгаа “Могойн арал” дээр Оросын SA-15 ойрын тусгалтай агаарын довтолгооноос хамгаалах системд цохилт өгсөн гэж АНУ-ын батлан хамгаалахын албаны хүмүүс болон Украины албаны хүн мэдэгджээ.
Тодруулбал, АНУ-ын тал “Бид Могойн арал дээр агаарын довтолгооноос хамгаалах дор хаяж гурван байг оносон гэж бодож байна. Бид цохилтын хэмжээг тодорхойлохыг хичээж байна” гэжээ. Харин Ням гараг /2022.05.08/-ийн өглөө авсан хиймэл дагуулын зурагт “Могойн арал”-ын хоёр газарт утаа гарч байгааг харуулсан байна.
Харин Украины тал, “нэг биш хоёр SA-15 системд цохилт өгсөн байна. Агаарын довтолгооноос хамгаалах систем нь боломжийн бай байсан уу, эсвэл Украины нисэх хүчний нисэх чадварыг хязгаарласан Оросын агаарын довтолгооноос хамгаалах хүчний араас гарах нэгдсэн хүчин чармайлт уу гэдгийг харах л үлдлээ” гэжээ.
Эх сурвалж: CNN
