ОХУ-ын Ерөнхийлөгч В.Путин Финлянд, Швед хоёрыг НАТО-д элсэх боломж, мөн Украин дахь дайны явцын талаар ОХУ-ын Аюулгүйн зөвлөлийн гишүүдтэй өчигдөр /2022.05.13/ хэлэлцсэн гэж Кремль мэдээлжээ.
Энэ талаар Кремлийн хэвлэлийн төлөөлөгч Д.Песков уулзалтын талаар РИА Новости агентлагт тайлбарлахдаа, "Батлан хамгаалахын сайд С.Шойгу уулзалтад оролцогчдод Украин хийж байгаа цэргийн тусгай ажиллагааны явцын талаар мэдээлэл өгсөн. Мөн Финлянд, Швед улсууд НАТО-д элсэх шийдвэрийн талаар болон үүнтэй холбоотойгоор Оросын аюулгүй байдалд учирч болзошгүй аюул заналхийллийн талаар санал солилцсон” гэжээ.
Эх сурвалж: CNN
