Их Британийн Батлан хамгаалахын яам ОХУ-Украины нөхцөл байдлын талаар тагнуулын шинэчилсэн мэдээллийг танилцуулжээ. Тагнуулын мэдээнд
- Энэ сарын эхээр болсон сургуулилтын дараа Беларусь улс Украины хилийн дагуу тусгай ажиллагааны хүчин, мөн агаарын довтолгооноос хамгаалах, их буу, пуужингийн ангиудаа байрлуулж эхэлсэн.
- Беларусийн цэргийн хүчин өнөөг хүртэл мөргөлдөөнд шууд оролцоогүй. Гэсэн хэдий ч Беларусийн нутаг дэвсгэрээс Оросууд Киев, Чернигов руу дайрсан. Мөн Оросын тал Беларусийн нутаг дэвсгэрээс Украинд агаарын болон пуужингийн цохилт өгсөн.
- Барууны болон Украины хориг арга хэмжээний улмаас Беларусийн Ерөнхийлөгч А.Лукашенко дайнд шууд цэргээ оруулахаас аль болох зайлсхийх хүсэлтэй байна” гэжээ.
Эх сурвалж: Aljazeera