Ерөнхийлөгч У.Хүрэлсүх энэ сарын 24 /2022.24/-ний өдрийг АНУ-ын Нью-Йорк хотноо ажиллаж, НҮБ-ын Ерөнхий Ассамблейн 77 дугаар чуулганд оролцохоор өнөөдөр /2022.09.19/ эх орноосоо морджээ.
Ерөнхийлөгч У.Хүрэлсүх энэ удаа НҮБ-ын Ерөнхий Ассамблейн ерөнхий санал шүүмжлэлд оролцож, олон улсын харилцааны тулгамдсан асуудлаар Монгол Улсын байр суурийг илэрхийлж үг хэлэх аж. Мөн НҮБ-ын Ерөнхий нарийн бичгийн дарга Антонио Гутерреш болон зарим улсын төр, засгийн тэргүүнтэй хоёр талын уулзалт хийхээр төлөвлөсөн байна.
Сонирхуулахад, Х.Баттулга Монгол Улсын Ерөнхийлөгчийн албан тушаалыг хашиж байхдаа НҮБ-ын хуралд оролцдоггүй, зөвхөн ОХУ зэрэг орнуудад бүс нутгийн айлчлал хийж байсан юм. Иймд сүүлийн 4 жил тасраад байсан НҮБ-ын Ерөнхий Ассамблейд Монгол Улс оролцож байна гэж ойлгож болох юм.