Засгийн газрын өнөөдөр /2022.09.28/-ийн ээлжит хуралдаан 8.00 цагт эхэлж, 14 асуудал хэлэлцэж байна. Хуралдаанаар Монгол Улсын 2023 оны төсвийн тухай болон дагалдах бусад хууль тогтоомжийн төсөл, Улаанбаатар хотын авто замын түгжрэлийг бууруулах зарим үйл ажиллагааг хэлэлцэж буй юм.
Мөн сургуулийн өмнөх болон ерөнхий боловсролын сургуулийн бүртгэл, элсэлттэй холбогдуулан Монгол Улсын Ерөнхий сайдын захирамжаар байгуулсан Ажлын багийн үйл ажиллагааны дүнг хэлэлцэхээр төлөвлөжээ. Хуралдааны шийдвэрийг танилцуулах хэвлэлийн хурлыг 14.00 цагт товлоод байгаа аж. Сонирхуулахад, Ерөнхий сайд Л.Оюун-Эрдэнэ энэ өдрүүдэд Япон улсад ажиллаж байгаа бөгөөд түүнийг эзгүйд Засгийн газрын өнөөдрийн хурлыг шадар сайд С.Амарсайхан удирдан явуулж байгаа ажээ.
