Манай улсад үйл ажиллагаа явуулж буй арилжааны зарим телевизүүдийн шууд эфирээр “эд мөнгөний хонжворт сугалаа”-ны борлуулалтыг тогтмол гардаг болсон гэхэд болно. Тэгвэл Харилцаа холбооны зохицуулах хорооноос тогтоол гаргаж, “Телевизээр нэвтрүүлэх зар сурталчилгааны зохицуулалтын журам”-д өөрчлөлт оруулсан байна. Тус өөрчлөлтөөр телевиз нь эд мөнгөний хонжворт сугалаа болон бараа бүтээгдэхүүнийг студид байрлуулж үнэ хаялцуулах, дуудлага хуралдаа зохион байгуулах хэлбэрээр худалдан борлуулах нэвтрүүлэг нэвтрүүлэхгүй байхыг журамласан байна.
