Энэ жилийн хувьд Улаанбаатар хотод иргэдийн адуу мал ихээр орж ирэн, идээшилж буй дүр зураг ихээр гарах болсон. Ийнхүү мал аж ахуй эрхлэхийг хориглосон хотын бүс рүү олон тооны мал орж ирж байгаатай нь ч холбогдох дүрэм, журмыг зөрчиж буй үйлдэл юм. Тэгвэл Нийслэлийн Засаг даргын 2023 оны 01 сарын 18-ны өдрийн А/35 дугаар захирамжийн хүрээнд Хотын ерөнхий менежерээр ахлуулсан ажлын хэсэг дээрх малыг хотоос гаргах ажлыг зохион байгуулж эхэллээ.
