УИХ-ын гишүүн асан Ж.Батзандангийн төрсөн ах, ХХААХҮЯ-ны болон Зам тээврийн яамны дэд сайд асан Ж.Бат-Эрдэнийг АТГ-аас шалгаж, түүнийг нэг сарын хугацаатай цагдан хориод сулласан билээ.
Тэгвэл эх сурвалжийн мэдээлж буйгаар Ж.Бат-Эрдэнэд холбогдох хэрэгт прокуророос яллах дүгнэлт үйлдэж, хэргийг шүүхэд шилжүүлэхэд бэлэн болсон байна. Түүнийг Зам тээврийн яамны дэд сайдаар ажиллаж байхдаа “Дарханы замын туслан гүйцэтгэгчид давуу байдал бий болгосон, үндэслэлгүйгээр хөрөнгөжсөн байж болзошгүй” гэх үндэслэлээр шалгаж, яллах дүгнэлт үйлдсэн гэх мэдээлэл байна.
