Нүүрсний гэх хэрэгт УИХ-ын хэд хэдэн нэр бүхий гишүүдийг шалгаж байгаа талаар АТГ-аас мэдээлсэн билээ. Тодруулбал, гишүүн Д.Бат-Эрдэнэ, А.Адьяасүрэн, Б.Баттөмөр нарыг шалгаж байгаа. Тэгвэл эдгээр хүмүүс дээр нэмээд ХНХ-ын сайд Т.Аюурсайханыг хамаарал бүхий этгээдүүдтэй нь хамт нүүрсний хэрэгт холбогдуулан шалгаж эхэлжээ. Тухайлбал, УИХ-ын гишүүн, ХНХ-ын сайд Т.Аюурсайханыг яллагдагчаар татах саналыг АТГ-аас Нийслэлийн прокурорт хүргүүлсэн байна.
