Польшийн Ерөнхийлөгч А.Дуда энэ долоо хоногт манай улсад төрийн дээд хэмжээний айлчлал хийгээд өчигдөр /2023.04.26/ нутаг буцлаа. Түүнд МУИС-ийн хүндэт доктор цол олгосон ба А.Дуда энэ үеэрээ “Украиныг дэмжиж, ОХУ-д шахалт үзүүлэхийн уриална” хэмээн Polskieradio.pl сайт мэдээлсэн юм.
Тэгвэл А.Дудагийн айлчлалын үеэр БНХАУ-аас манай улсад суугаа элчин сайд Цай Вэньруй болон ОХУ-ын элчин сайд А.Н.Евсиков нар уулзсан байна. Энэ талаар зарим эх сурвалжууд, "талууд Хятад, Оросын шинэ эриний иж бүрэн стратегийн түншлэлийн харилцааг бэхжүүлэн гүнзгийрүүлэх, элчин сайдын яамдын харилцаа, хамтын ажиллагааг нэмэгдүүлэх талаар санал солилцсон" хэмээн мэдээлжээ.
