2023 оны Шанхайн хамтын ажиллагааны байгууллагын гишүүн орнуудын төрийн тэргүүн нарын дээд хэмжээний уулзалтыг Энэтхэг улсад ирэх долдугаар сард зохион байгуулна. Тэгвэл тус уулзалтыг угтан энэ сарын 04-ны өдөр Энэтхэгийн Гоа хотноо Шанхайн хамтын ажиллагааны байгууллагын /ШХАБ/ гишүүн орнуудын Гадаад хэргийн сайд нарын уулзалт боллоо.
Уулзалтад ОХУ-ын Гадаад хэргийн сайд Сергей Лавров, БНХАУ-ын Гадаад хэргийн сайд Чинь Ган тэргүүтэй сайд нар оролцож, хоёр талт уулзалтыг хийв. Тухайлбал, ОХУ, БНХАУ-ын гадаад хэргийн сайд нар энэ үеэр хоёр талт уулзалтыг хийсэн бөгөөд ШХАБ-ын үйл ажиллагаанд төвлөрч ярилцжээ.