Өнөөдөр /2023.07.24/ АН-ын Улс төрийн зөвлөл хуралдаж тус намын анхан болон дунд шатны намын дарга бол Үндэсний бодлогын хороо /ҮБХ/-ны гишүүдээ сонгох журмаа баталсан байна.
Тодруулбал, АН-ын энэхүү албан тушаалтнуудыг өмнө нь нийт гишүүдийнхээ дунд сонгууль явуулж тодруулдаг байсан бол цаашид АН-ын аймаг, дүүргийн намын хорооны гишүүд нь хуралдаж анхан болон дунд шатны дарга, ҮБХ-ны гишүүдээ сонгодог болохоор өөрчилж, өнөөдөр Улс төрийн зөвлөл нь баталсан байна.
Сонирхуулахад, энэ сарын эхээр АН-ын ҮБХ хуралдаж энэхүү журмаа баталж, Ерөнхий нарийн бичгийн даргаа тодруулах байсан ч тодорхой бус шалтгааны улмаас тэд хуралдаж чадаагүй юм. Харин ҮБХ-ны хурлаа баталж байсан журмаа ийнхүү Улс төрийн зөвлөлөөрөө өнөөдөр баталсан байна. Мөн ирэх наймдугаар сарын 05-ны өдөр ҮБХ-ны гишүүдийн татвараа хураахаар тогтсон бөгөөд тус хорооны гишүүдийн нэг жилийн татвар нь 3 сая төгрөг байх ажээ.
