Өнөөдөр өглөө буюу аравдугаар сарын 30-ны өглөөнөөс эхлэн нийслэл хот болон нутгийн зарим газраар нойтон цас орж эхэллээ.Үүнтэй холбогдуулан Улаанбаатар хотод Нарны гүүр, Энхтайвны гүүр, Их тойруу, Сансарын тунель, Энхтайвны өргөн чөлөө, Олимпын гүүр, Чингисийн өргөн чөлөө, Баянхошуу зэрэг чиглэлд зориулалтын машинууд давс, бодис цацаж байна. Мөн давс тээвэрлэсэн тусгай зориулалтын цасны долоон камаз, шүүрний машин найм, бичил техник 12, хог тээвэр 14 мөн үйлчилгээнд 10 техник, 423 хүний бүрэлдэхүүнтэйгээр гудамж, авто замуудад ажиллаж байна.
