Сонгинохайрхан дүүргийн прокурорын газраас хуурамч диплом ашиглан төрийн байгууллагад ажилласан найман иргэнээр төрд учруулсан хохирлыг нөхөн төлүүлэхээр болсон байна. Тодруулбал, хуурамч диплом ашиглан төрийн байгууллагад ажиллаж, Эрүүгийн хуулийн 23.2 /Хуурамч баримт бичиг үйлдэх, ашиглах/-т заасан гэмт хэргийг үйлдсэн болохыг шүүхээр тогтоожээ. Тус хэргийн холбогдогч болох найман этгээдийн ажиллах хугацаандаа авсан цалин хөлс 202 сая 938 мянган төгрөгийг улсад нөхөн төлүүлэх нэхэмжлэл гаргажээ.
