АН-ын дэргэдэх Ардчилсан залуучуудын холбоо /АЗХ/-ны тэргүүнийг тодруулах хурал өнөөдөр /2023.12.18/ болж байгаа аж. Тус холбооны тэргүүнд АН-ын ҮБХ-ны гишүүн М.Амгаланбаатар, Б.Ган-Очир болон Б.Батзаяа нар өрсөлдөж байгаа юм.
Харин дөнгөж сая Ардчилсан залуучуудын холбоо /АЗХ/-ны хурлын төлөөлөгчдийн дунд санал хураалт явуулахад М.Амгаланбаатар, Б.Ган-Очир нар тэргүүлсэн боловч, тэдний хэн нь 50 хувиас дээш санал аваагүй байна. Ингээд АН-ын тус хоёр гишүүний дунд дахин санал хураахаар болжээ. Сонирхуулахад, М.Амгаланбаатарыг АН-ын дарга Л.Гантөмөр дэвшүүлж, тус албан тушаалд дэмжиж байгаа бол, Б.Ган-Очирыг Ерөнхийлөгч асан Х.Баттулга дэвшүүлсэн байна.
