Хан-Уул дүүргийн гуравдугаар хорооны нутаг дэвсгэрт байрлах ... дугаар байрны дөрөвдүгээр давхарт өнөөдөр /2023.12.19/ өглөө 07:00 цагийн орчимд гал гарч, долоон хүн амь насаа алдсан харамсалтай хэрэг гарсан.
Харамсалтайгаар амиа алдсан иргэдийн гурав нь 2-10 насны хүүхэд, дөрөв нь 27-40 насны иргэн байсан гэдгийг албаны эх сурвалж хэлж байгаа. Мөн тэдгээр иргэдийн нэг нь албан үүргээ гүйцэтгэж байсан онцгой байдлын алба хаагч байсан юм. Тэгвэл тухайн алба хаагч нь Хан-Уул дүүргийн гал унтраах 14 дүгээр ангийн алба хаагч байсан бөгөөд талийгаач нь гал унтраах бүрэлдэхүүнийг ахалж явсан салаан захирагч байжээ.