“Монгол Улсын Их Хурлын 2024 оны ээлжит сонгууль товлон зарлах, санал авах өдрийг тогтоох тухай” УИХ-ын тогтоолын төслийг хэлэлцэж парламентаар хэлэлцэж байна.
ВИДЕО:
Төсөлд УИХ-ын 2024 оны ээлжит сонгуулийн санал авах өдрийг 2024 оны 6 дугаар сарын 28-ны өдөр байхаар, тогтоосон бол гадаад улсад байгаа иргэдээс санал авах өдрийг 2024 оны 6 дугаар сарын 20, 21, 22, 23-ны өдрүүд байхаар тусгажээ. Түүнчлэн УИХ-ын сонгуулийг орон нутагт бүсчилсэн 7, Улаанбаатарт 6, нийт 13 тойргоор явуулахаар төсөлд заасан байна.
Хөдөө, орон нутгийг бүсэд хуваахдаа:
- Баян-Өлгий
- Увс, Ховд, Завхан, Говь-Алтай
- Хөвсгөл, Орхон, Булган
- Архангай, Баянхонгор, Өвөрхангай
- Дундговь, Говьсүмбэр, Дорноговь, Өмнөговь
- Хэнтий, Дорнод, Сүхбаатар
- Сэлэнгэ, Дархан-Уул, Төв аймаг
Улаанбаатарыг дөрвөн бүсэд хуваахдаа:
- Багахангай, Багануур, Налайх
- Баянзүрх,
- Баянгол
- Сүхбаатар, Чингэлтэй
- Хан-Уул
- Сонгинохайрхан гэсэн хувилбарыг санал болгосон байгаа юм.
Харин Баян-Өлгий аймгийг тусад нь УИХ-ын сонгуулийн бүс болгохоор төсөлд тусгасан нь олон хүний эсэргүүцэлтэй тулгарч байгаа юм. Иймд бид судлаач О.Чулуунбилэгтэй ярилцлаа. Тэрбээр, "Баян-Өлгий аймгийг тусад нь УИХ-ын тойрог болгох нь нутаг дэвсгэрийн бүрэн бүтэн байдлыг алдагдуулж, хожим бидэнд нөхөж баршгүй хохирол үүсэж магадгүй" гэсэн юм.
