Шүүгчид нөлөөлөхийг оролдсон иргэнд зөрчлийн хуулийн дагуу торгох шийтгэл оногдуулсан байна.
Тодруулбал, Сүхбаатар дүүргийн цагдаагийн газраас иргэн “Ц” нь 2023 оны аравдугаар сарын 17-ны өдөр Чингэлтэй дүүргийн нутаг дэвсгэрт холбоо мэдээллийн хэрэгсэл ашиглан эрүүгийн хэргийн шүүгчид нөлөөлөхийг оролдсон үйлдэлд Зөрчлийн тухай хуулийн 15.4 дүгээр зүйлийн 1-д зааснаар зөрчлийн хэрэг нээн шалгаж, хэргийг шийдвэрлүүлэхээр тус дүүргийн шүүхэд хүргүүлсэн байна. Улмаар шүүхээс зөрчлийн холбогдогч “Ц”-д 1000 нэгжтэй тэнцэх хэмжээний нэг сая төгрөгөөр торгох шийтгэл оногдуулжээ.
