Сонгинохайрхан дүүргийн 26 дугаар хороонд 38 настай эрэгтэй өөр дээрээ бензин асгаж асааж, амиа егүүтгэсэн хэрэг өнгөрсөн долоо хоногт /2024.01.03/ гарчээ.
Тодруулбал, “Хамтран амьдрагч маань согтуудаа амиа хорлоно гээд өөр дээрээ бензин асгачихлаа” гэх дуудлага мэдээлэл цагдаагийн байгууллагад иржээ. Энэ дагуу цагдаагийн байгууллагаас шалгалтын ажиллагаа явуулахад Б гэх эрэгтэй нь архи согтууруулах ундааны зүйл хэрэглэсэн үедээ өөр дээрээ шатахуун асгаж, шатаж амь насаа алдсан байжээ. Уг хэргийг өдгөө Сонгинохайрхан дүүргийн цагдаагийн хэлтэс шалгаж байгаа аж.
