Засгийн газрын ээлжит хуралдаан үргэлжилж байна. Өнөөдрийн хурлыг Шадар сайд С.Амарсайхан даргалж байна. Учир нь Ерөнхий сайд Л.Оюун-Эрдэнэ Швейцарын Давос хотноо болж буй Дэлхийн эдийн засгийн чуулга уулзалтад оролцож байгаа юм. Түүнийг эзгүйд Засгийн газрын хуралдааныг Шадар сайд ахладаг билээ.
Өнөөдрийн хуралдаанаар
- “Боловсролын сургалтын байгууллагын үйл ажиллагаа, багшийн ажлын гүйцэтгэлийн үнэлгээний үр дүнд үндэслэн олгох нэмэлт урамшууллыг санхүүжүүлэх журам” Засгийн газрын тогтоолын төсөл
- Улсын Их Хурлын 2022 оны "Хүнсний хангамж, аюулгүй байдлыг хангах талаар авах зарим арга хэмжээний тухай" 36 дугаар тогтоолын биелэлтийг зохион байгуулах болон барилгын салбарт үүссэн хүндрэлтэй асуудлын талаар
- Япон Улсад хүмүүнлэгийн тусламж үзүүлэх тухай Засгийн газрын тогтоолын төсөл
- Авлигатай тэмцэх үндэсний хөтөлбөрийг хэрэгжүүлэх Үндэсний хорооны бүрэлдэхүүнийг шинэчлэн батлах тухай зэрэг 15 асуудал хэлэлцэж байна. Хэлэлцэж шийдвэрлэсэн асуудлаар хэвлэлийн бага хурал хийхгүй харин албан мэдээллийг гаргах аж.