"Ука" хочит Л.Алтанхуяг, "Хулнаа" хочит Б.Хулансамбуу нь "Цэнгэл" хочит Б.Батцэнгэл, "Уугаа" хочит Б.Ууганзаяа нартай бүлэглэн Э.Сумъяажаргал гэх эмэгтэйн захиалгаар иргэн “Б”-г Улаанбаатар хотын нутаг дэвсгэрт байрлах зочид буудалд аваачиж, улмаар эд хөрөнгийн эрхээ шилжүүлэн өгөхийг шаардсан ноцтой хэргийг шүүх хурал удаа дараа хойшлоод байгаа билээ.
Тэгвэл өчигдөр буюу нэгдүгээр сарын 16-ны өдөр болохоор товлогдоод байсан шүүх хурал мөн л хойшилсон байна. Тодруулбал, "Ука" хочит Л.Алтанхуяг, "Хулнаа" хочит Б.Хулансамбуу нарт холбогдох хэргийг шүүх хурал хоёрдугаар сарын 06-ны өдөр хүртэл хойшилсон байна. Прокуророос дээрх хэрэгт Эрүүгийн хуулийн тусгай ангийн 17.6 дугаар зүйлийн 2 дахь хэсгийн 2.3 дахь хэсэг, 12.1 дүгээр зүйлийн 2, 2.10 дахь хэсэг, 20.3-1, 20.3-2, 11.1-2.4-т зааснаар яллах дүгнэлт үйлдсэн байдаг юм.
