УИХ-ын 2024 оны сонгууль ойртсон энэ цаг үед улс төрийн намууд том, бага гэлтгүй хөдөлгөөнд орж, дотоод зөрчил нь хаа хаанаа хурцдаад байгаа аж. Тухайлбал, Нийслэлийн Баянгол дүүргийн АН-ыг хэзээнээсээ С.Эрдэнэ эзэгнэж, эзэн сууж өөрийн төлөөний хүмүүсээ тус намын хорооны даргаар тавьж ирсэн байна. Улс төрийн хүрээнд С.Эрдэнийг "Баянголын Ван" гэх нь ч бий.
2020 оны УИХ-ын сонгуульд ялагдал хүлээсэн ч, өөрийгөө АН-ын дарга хэмээн хоёр жилийн хугацаанд явсан С.Эрдэнэ, "Баянгол дүүргийн АН-ын даргад өөрийн хүнээ томилно" зэрэг тохироотойгоор Л.Гантөмөрт тамгаа өгсөн гэдэг. Тэгвэл өчигдөр /2024.01.28/ нийслэлийн Баянгол дүүргийн АН-ын дарга Н.Болдбаатарыг огцруулах хурлыг С.Эрдэнэ хийж, сансандаа хүрсэн байна. Харин одоогоор тус намын хорооны даргаар хэнийг С.Эрдэнэ тавих нь тодорхойгүй байгаа бөгөөд магадгүй хүргэн Т.Энхболд очиж магадгүй байгаа аж.
