Замын хөдөлгөөнд оролцох үедээ бусадтай муудалцаж, автомашиных нь толийг хугалсан иргэнийг 200 мянган төгрөгөөр торгожээ.
Тодруулбал, Баянзүрх дүүргийн цагдаагийн газрын мэдээлснээр, иргэн “М” нь энэ сарын 22-ны өдөр тус дүүргийн нутаг дэвсгэрт замын хөдөлгөөнд оролцох үедээ "Toyota" маркийн тээврийн хэрэгслийн толийг гараараа цохиж, хугалсан үйлдэлд Зөрчлийн тухай хуулийн 8.8 дугаар зүйлийн 1 дэх хэсэгт зааснаар 200 нэгжтэй тэнцэх хэмжээний мөнгөн дүн буюу 200 мянган төгрөгөөр торгох шийтгэл оногдуулсан байна.
