Монгол Улсад үүсээд буй зудын нөхцөл байдалтай холбогдуулан АНУ-аас манай улсад 900 мянга гаруй ам.долларын тусламж үзүүлээд буй.
Харин тус улсаас манайд суугаа элчин сайд Ричард Буанган Төв аймгийн Алтанбулаг сумын малчин Хатанбаатрын гэрээр зочилсон талаараа твиттер хуудсандаа жиргэжээ. Тэрээр “Өчигдөр Алтанбулаг сумын малчин н.Хатанбаатрын гэрээр зочилж, зуд мал сүрэгт нь хэрхэн нөлөөлж байгаа талаар сонирхлоо. Түүний өөдрөг үзэл, тулгарсан бэрхшээлийг даван туулах тууштай байдал нь надад их сэтгэгдэл төрүүлсэн. Монголчууд энэ гамшигт үзэгдлийн үед үнэхээр хүчтэй байна” гэж сэтгэгдлээ илэрхийлжээ.
АНУ-аас олгож буй энэхүү тусламж нь Архангай, Баян-Өлгий, Дорноговь, Дорнод, Завхан, Сүхбаатар, Төв, Увс, Ховд аймгийн зудад хамгийн хүнд нэрвэгдсэн 2,700 малчин өрхөд малын тэжээл, эм, мал эмнэлгийн хэрэгсэл, мөнгөн тусламж хэлбэрээр хүрэх юм байна.
Yesterday, I visited herder Khatanbaatar and his wife in Altanbulag soum to see how the dzud has affected his livestock. I was impressed with his optimism and determination to overcome this hardship. Mongolians like him have been incredibly strong during this disastrous dzud.… pic.twitter.com/Ore5oIgxtL
— Ambassador Richard Buangan (@USAmbMongolia) March 6, 2024