Өвөрхангай аймгийн Сант сумын 5 дугаар багт тус сумын АН-ын дарга Б.Баянмөнх нь МАН-ын сонгуулийн ухуулагчаар ажиллаж байсан П.Отгонбаатар гэгчид зодуулж амиа алдсан хэрэг өчигдөр /2024.06.15/ гарсан талаар бид өмнө нь мэдээлсэн.
Тус хэрэгт сэжигтнээр татагдан шалгагдаж буй П.Отгонбаатар нь УИХ-ын 1 дүгээр тойрог буюу Архангай, Баянхонгор, Өвөрхангай аймагт МАН-аас нэр дэвшиж буй Батлан хамгаалахын сайд Г.Сайханбаярын сонгуулийн ухуулагч байсан гэх мэдээлэл байгаа юм. Тэгвэл энэхүү хэрэг явдалтай холбогдуулж МАН-ынхан ёс зүйн хариуцлага хүлээж, УИХ-ын 1 дүгээр тойрогт МАН-аас нэр дэвшиж буй Г.Сайханбаярын нэрийг татахаар болжээ. Энэ талаар МАН-ын Ерөнхий нарийн бичгийн дарга Д.Амарбаясгалан мэдээлэл хийлээ.
ВИДЕО:
Шуурхай: Г.Сайханбаярыг нэр дэвшигчээс эргүүлэн татахыг МАН-ын улстөрийн зөвлөлөөс гаргалаа! pic.twitter.com/G5logmqcxN
— Batsugar (@Batsugar1) June 16, 2024