Мэргэжлийн байгууллагаас Интермед эмнэлгийн байранд хийсэн шалгалтын үйл ажиллагаа бүрэн дуусаж, аюулгүй байдал баталгаажсан тул тус эмнэлгийн бүх салбар, нэгж хэвийн ажиллаж эхэлжээ. 

Аюулгүй байдлыг хангах үйл ажиллагааны улмаас түр хугацаанд хүндрэл үүссэнд үйлчлүүлэгчдээс хүлцэл өчиж, үйлчилгээ авч амжаагүй үйлчлүүлэгчдэд эргэн холбогдож, үйлчилгээг шуурхай зохицуулж ажиллахаа эмнэлгийн захиргаа мэдэгдэв. Мөн үүссэн нөхцөл байдлын улмаас хүлээлттэй хандсан нийт үйлчлүүлэгчдээсээ барьцаалж, талархал илэрхийлжээ.

Интермед эмнэлгийн байранд мэргэжлийн байгууллагаас шалгалт, хяналтын ажил хийж байгаа талаар тус эмнэлгээс мэдээллээ. 

Уг мэдэгдэлд "Одоогийн байдлаар шалгалтын явц үргэлжилж байгаа бөгөөд үйлчлүүлэгч, эмч мэргэжилтэн, ажилтны аюулгүй байдлыг нэн тэргүүнд тавьж, хууль хяналтын байгууллагаас өгсөн заавар, удирдамжийн дагуу ажиллаж байна. Үүнтэй холбогдуулан өнөөдөр үзлэг, оношилгооны цаг авсан үйлчлүүлэгчдийн цагийн хуваарьт зохицуулалт хийж ажиллана" гэлээ. Эмнэлгээс үйлчлүүлэгчдэд үүссэн нөхцөл байдалд хандан тэвчээртэй байж, хамтран ажиллахыг хүсжээ.

Нийслэлийн Хан-Уул дүүргийн нутаг дэвсгэрт байрлах “Интермед” эмнэлгийн орчмыг цагдаагийн байгууллагаас өндөржүүлсэн хамгаалалтад авч, онцгой байдлын алба хаагчид тусгай техник хэрэгсэл, хамгаалалтын хувцас хэрэглэлтэйгээр ажиллаж байна.

ВИДЕО: 

Энэ талаар холбогдох байгууллагаас тодруулахад  “Интермед” эмнэлгийн санал хүсэлт хүлээн авдаг системээр гадаадын иргэний нэрээр “Танай эмнэлэгт бөмбөг тавьсан байж болзошгүй” гэх мэдээлэл ирсэн. Уг мэдээллийг шалгуулахаар эмнэлгийн ажилтан Хан-Уул дүүргийн Цагдаагийн газрын нэгдүгээр хэлтэст дуудлага, мэдээлэл өгсөн байна.

Дуудлага, мэдээллийн дагуу цагдаагийн болон тагнуулын байгууллагаас хамтарсан шалгалтыг зохион байгуулж байна. Одоогоор эмнэлгийн орчимд ямар нэгэн тэсрэх бодис, сэжигтэй эд зүйл илрээгүй байна. Улмаар шалгалтыг үргэлжлүүлж байгаа. Аюулгүй байдлыг хангах үүднээс тус эмнэлгийн 600 орчим алба хаагч болон хэвтэн эмчлүүлж буй 30 иргэний 90 хувийг нүүлгэн шилжүүлсэн" гэлээ. Холбогдох байгууллагуудын шалгалтын ажиллагаа үргэлжилж байгаа бөгөөд нөхцөл байдлын талаар нэмэлт мэдээллийг албан ёсоор хүргэх юм байна. Энэ тухай эргэн мэдээлэх болно.

Нийслэлийн Хан-Уул дүүргийн нутаг дэвсгэрт байрлах "Интермед" эмнэлгийн орчмыг цагдаагийн өндөржүүлсэн хамгаалалтад авч,  яг одоо онцгой байдлын алба хаагчид тусгай техник хэрэгсэл, хувцас хэрэглэлтэй ажиллаж эхлээд байна.

Тодруулбал,  өнөөдөр /2026.08.17/ өглөө 08.00 цагийн орчимд Интермед эмнэлэгт үйлчлүүлж байсан иргэдийг даруй тус объектоос нэн даруй гаргаж, мөн тус эмнэлгийн ажилтан, алба хаагчдыг тус барилгаас гаргасан байна. Яг одоо тус эмнэлгийн гадна цагдаагийн байгууллагын тусгай хүчин, мөн онцгой байдлын алба хаагчид тусгай хувцас хэрэгсэлтэйгээр ажиллаж байна. Харин ямар шалтгааны улмаас ийм нөхцөл байдал үүссэн талаар холбогдох албаны хүмүүс тайлбар мэдээлэл өгөөгүй байна. Бид энэ талаар цагдаагийн байгууллагаас тодруулах гэсэн боловч, "хуулийн байгууллагын шалгалт үргэлжилж байна. Мэдээлэл өгөх боломжгүй" гэлээ.  

Бид үйл явдлыг газар дээрээс нь дамжуулж байна.