“Тенерифе” багийн довтлогч Хесус де Мигель нас барсантай холбогдуулан Испанийн Эзэн хааны хөл бөмбөгийн холбоо /RFEF/ тус байгууллагын ивээл дор болдог бүх тэмцээнийг 11 дүгээр сарын 6 хүртэл түр хойшлуулах шийдвэр гаргажээ.
Өмнө нь тус холбоо энэ сарын 3-ны өдөр болох байсан Испанийн цомын тэмцээний бүх тоглолтыг цуцалсан юм. “Талийгаачийн дурсгалыг хүндэтгэж, эв санааны нэгдэлтэй байгаагаа илэрхийлэх үүднээс Эзэн хааны хөл бөмбөгийн холбоо бүх тоглолтыг 11 дүгээр сарын 6-ны өдөр хүртэл хойшлуулж байна” гэж тус холбооны мэдэгдэлд дурджээ.
