АНУ-ын Орегон мужийн Бенд хотын “Silver Rail” бага сургуульд өчигдөр /2026.10.15/ зэвсэгт халдлага гарч, дөрвөн хүн амь үрэгджээ.
Амиа алдагсдын гурав нь тав, найм, 11 настай хүүхдүүд байсан бөгөөд нэг нь тус сургуулийн багш байсныг албаныхан мэдээлэв. Халдлагыг тус хотын оршин суугч, урт голчтой буугаар зэвсэглэсэн 16 настай өсвөр насны хүү үйлдсэн байж болзошгүй бөгөөд тэрбээр сургуулийн цоожтой хаалгыг буудан эвдэж дотогш нэвтэрсэн байна. Сургууль дотор гал нээх үед сургуулийн ажилтан, 54 настай багш болон долоон настай нэг хүүхэд хүнд шархдаж, эмнэлэгт критик нөхцөлтэйгөөр хүргэгджээ. Халдлага үйлдэгч хүүг сургууль руу нэвтрэхийг харсан нутгийн иргэн араас нь даган орж, буудан устгаснаар илүү олон хүний амь эрсдэхээс хамгаалсан болохыг Бенд хотын Цагдаагийн газар болон мужийн Амбан захирагч Тина Котек нар онцлон талархал илэрхийлсэн байна.
Уг үйл явдалтай холбогдуулан тус дүүргийн бүх сургуулиудын хичээл, үйл ажиллагааг цуцалсан бөгөөд одоогоор АНУ-ын Холбооны мөрдөх товчоо болон орон нутгийн хууль сахиулагчид халдлага үйлдсэн хүүгийн сэдэл болон тус сургуультай ямар холбоотой байсныг тогтоохоор мөрдөн байцаалтын ажлыг үргэлжлүүлж байна.
.jpg)
.jpg)
