Эрх баригч МАН-ын Бага хурал маргааш 11.00 цагт хуралдахаар тов зарлажээ. Хуралдаанаар дараагийн Ерөнхий сайдад нэр дэвшигчийг тодруулах аж.
Эх сурвалжийн мэдээлж буйгаар дараагийн Ерөнхий сайдад МАН-аас УИХ-ын гишүүн Сү.Батболд, Сангийн сайд Ч.Хүрэлбаатар нарын нэгийг нэр дэвшүүлж магадгүй гэх мэдээлэл байгаа юм. МАН-ын Бага хурлаас нэр дэвшүүлсэн дэвшигчийг МАН-ын Удирдах зөвлөл, бүлэг, байнгын хороо, УИХ-аар хэлэлцэж томилох юм.
Үүний дараа Ерөнхий сайд танхимын гишүүдээ өөрөө сонгож УИХ-аар хэлэлцүүлнэ.
Дашрамд дурдахад, МАН-ын бүлгийн хуралдаан дөнгөж сая өндөрлөлөө. Хуралдаанаар хэлэлцсэн асуудлаар мэдээлэл хийхгүй аж. Тус хуралдаанаар Засгийн газрыг огцруулах асуудлыг хэлэлцсэн юм. Шийдвэрийг бид эргэн мэдээлэх болно.
