Төрийн ордны урд байрлах “Хонхтой цэцэрлэгт хүрээлэн”-ийн ажил эхэлснээр олон хүний шүүмжлэлийг дагуулаад байгаа билээ. Иргэдийн зүгээс зуны гурван сар ажиллах усан оргилуурыг улсын төсвийн 3.2 тэрбум төгрөгөөр хийхийн оронд гэр хорооллыг тохижуулах нь зөв гэж үзэж эсэргүүцсэн билээ.
Энэхүү цэцэрлэгт хүрээлэнгийн тохижилтын ажлын хүрээнд Сүхбаатарын талбайн моднуудын 75 хувийг өөр газар зөөж шилжүүлнэ хэмээн албаныхан мэдээлсэн.
Үүний дагуу долоо хоногийн өмнөөс моддыг сугалж МУИС-ийн хажууд байрлах БНХАУ-ын Элчин сайдын яамны байрны өмнө суулгаж эхэлжээ. Харин модод байсан газар дээр усан оргилуурын бүтээн байгуулалтын ажлыг эхлүүлжээ.
