Хангайн бүсийн зөвлөлийн анхдугаар хуралдаан Архангай аймгийн Цэцэрлэг хотын “Ара арена” цогцолборт өчигдөр болж өндөрлөлөө. Уг хуралдаанд УИХ-ын гишүүд, сайд нар оролцсон.
Тэгвэл тус хуралд Эрүүл мэндийн сайд Т.Мөнхсайхан ганцаараа оролцоогүй байна. Т.Мөнхсайханы хувьд яагаад тус хуралд оролцоогүй нь анхаарал татаж буй бөгөөд өчигдөр /2025.04.15/ яамандаа өнжсөн талаар эх сурвалж мэдээлэв. Түүнийг Ерөнхий сайд Л.Оюун-Эрдэнэтэй таарамжгүй харилцаатай байгаа талаар бид өмнө нь мэдээлсэн. Тодруулбал, саяхан Ерөнхий сайд Л.Оюун-Эрдэнэ нэр бүхий гурван сайдтай уулзаж ажлаа өгөхийг хүссэн. Тэдний нэг нь Эрүүл мэндийн сайд Т.Мөнхсайхан байсан бөгөөд Ерөнхий сайдын хүсэлтэд огт хариу өгөөгүй гэх мэдээлэл байгаа юм.
