УИХ-ын чуулганы хуралдааны үеэр Сангийн сайд Ч.Хүрэлбаатар вакцины талаар мэдээллээ. Тэрээр "Энэ жилийн төсөвт 31 тэрбум төгрөг, ирэх жил 24 тэрбум төгрөгийг вакцин авахаар тусгасан байгаа. Эрүүл мэндийн даатгалын сангийн Эрсдэлийн сан гэж байгаа. Вакцины хувьд ийм хоёр эх үүсвэр бий. Дээрээс нь Дэлхийн банканд хандаж байна. Вакцины хүрээнд тусалж байсан газруудаа харлуулмааргүй байна. Коронавирусийн эсрэг вакциныг баян орнууд түрүүлээд захиалга өгөөд авчих боломжтой.
Тэгэхээр энэ захиалгаас хоцрохгүй байхын тулд Дэлхийн банканд хандсан. Дэлхийн банк санаачлагчийн нэг учраас тус банкнаас мөнгө авбал худалдан авалт дотор Монгол ороод вакцин авчих боломж бүрдэж байгаа юм.
Хоёр, гурван сарын өмнө бусдаас урьтаж, богино хугацаанд коронавирусийн эсрэг вакцин авах гээд бүх бололцоогоо дайчилж байна. Ажлын хэсэг гурван чиглэлээр ажиллаж байгаа. ДЭМБ, вакцин үйлдвэрлэгчидтэй ажиллаж байна. Заримтай нь нууцын гэрээгээр ажиллаж байгаа учраас бүгдийг хэлэх боломжгүй. Хангалттай улстөржлөө. Өөрсдөө хоорондоо зөрчилтэй байж, ард түмнийг дэмжээч гэж хэлэх нь утгагүй. Нэг санаа бодолтой байцгаая" гэв.
