Оюутолгой төслийн хөрөнгө оруулалтын гэрээг шинэчлэх асуудлаар олон улсын шүүхэд нэхэмжлэл гаргахыг Монгол Улсын Ерөнхий сайдаас шаардаж энэ сарын 25-ны өдрөөс өлсгөлөн зарлаад буй УИХ-ын гишүүн С.Ганбаатар өлсгөлөнгөө өнөөдөр /2021.01.29/ зогсоож, Сүхбаатар дүүргийн нэгдсэн эмнэлэг рүү явжээ.
Тэрээр Хууль зүйн сайдын үүрэг гүйцэтгэгч, Ерөнхий сайд Л.Оюун-Эрдэнэ нартай тохиролцоонд хүрч, Оюутолгойн гэрээг сайжруулах ажлын хэсэгт орж ажиллахаар болсон төдийгүй, Монгол Улсын Засгийн газраас Рио Тинтогийн эсрэг нэхэмжлэл Английн шүүх рүү явуулахаар болсон гэж мэдээлэв.
