Өчигдөр буюу тавдугаар сарын 24-ий өдөр 21:15 цагт шороон хүчтэй шуурганы улмаас Баян-Өлгий аймгийн Өлгий суманд нэг өрхийн гэр, Биеийн тамир, спортын заал, Улсын нөөцийн салбар, 2 орон сууц болон 3 айлын байшингийн дээвэр хууларсан тухай дуудлагыг тус өдрийн 21:20 цагт хүлээн авчээ. Тус аймгийн Онцгой байдлын газрын Эрэн хайх, аврах бүлгийн алба хаагчид байгууллага, орон сууц болон айлын байшингийн хууларсан дээврийн мод, төмрийг холдуулах, нурсан айлын гэрийг хураах зэрэг ажлуудыг одоогоор үргэлжлүүлэн хийж байна.
