Өчигдөр /2021.07.20/ хуралдсан Засгийн газрын ээлжит бус хурлаар “Спортын холбоодуудаас ирж буй хүсэлтийг үндэслэн аливаа уралдаан тэмцээнийг үзэгчгүй зохион байгуулах боломжийг нээж, УОК-оор дахин хэлэлцэх чиглэл Ерөнхий сайд өгсөн. УОК энэ асуудлыг дахин хэлэлцэж, эцсийн шийдвэр гаргана” гэж мэдэгдсэн. Тэгвэл Дорнод, Булган, Ховд гэсэн гурван аймагт ирэх наймдугаар сарын 6, 7, 8 -ны өдрүүдэд хурдан морины бүсийн уралдаан зохион байгуулагдаж магадгүй байна. Учир нь энэ тухай хүсэлтийг Монголын морин спорт уяачдын холбооноос УОК-т гаргах ажээ.
