“Токио 2020” зуны олимпд анх удаа манай улс багийн төрлөөр буюу сагсан бөмбөгийн 3x3-ын эмэгтэйчүүдийн төрөлд оролцож байна. Өнөөдөр /2021.07.24/ Монголын цагаар 16:00-18:30 цагийн хооронд Монголын сагсан бөмбөгийн 3x3 эмэгтэй баг Италийн багтай, 20:00-21:50 цагийн хооронд АНУ-ын багтай урьдчилсан шатны тоглолтуудаа хийнэ. Тэгвэл Олон улсын сагсан бөмбөгийн холбоо /FIBA/-ноос “Токио 2020” олимпийн наадамд зориулж гаргасан “зурагт хуудас”-т Монголын багийг хамгийн дээр нь оруулж, сайтдаа нийтэлжээ.
