Өнөөдөр манай улсын гурван тамирчин спортын гурван төрөлд хурд, хүчээ үзнэ. Тамирчдын тэмцээний хуваарийг танилцуулж байна.
12:00. Эрэгтэйчүүдийн 25 метрийн Олимпийн хурдан буудлагын урьдчилсан шат эхэлнэ. Нийт 27 тамирчин өрсөлдөж буйн дотор Монголын мэргэн бууч Э.Даваахүү 11:30 цагаас эхлэн дасгалаа гүйцэтгэнэ. Монголчууд энэ дасгалаар Олимпод анх удаа орж буй юм. Энэ төрлийн финалын буудлага наймдугаар сарын 2-ны 13.30 цагаас эхэлнэ.
16:48. Боксын төрөлд гавьяат тамирчин Э.Цэндбаатар өнөөдөр Оросын Алберт Батыргазиевтай медалийн төлөө нударга зөрүүлэх юм. Түүний өрсөлдөгч мэргэжлийн рингэнд гурван тулаан хийж, бүгдэд нь хүнд цохилтоор ялсан боксчин. Хэн нь медаль дээр бууж, хэн нь хоосон хоцрохоо шийдэх маш чухал тулаан манай хүнийг хүлээж байна.
