Өнгөрсөн долдугаар сарын эхээр “Pfizer” компанийн эрдэмтэд COVID-19 вакцинжуулалтын үр дүнд тогтсон дархлааны үйлчлэл цаг хугацаа өнгөрөх тусам суларч байгаа тул 6-12 сарын дотор гурав дахь тунг хийх шаардлагатай гэж мэдэгдсэн.
Улмаар энэ сард вакцины гурав дахь тунг хэзээ, хэрхэн хийх талаар удирдамж болон холбогдох хүсэлтийг АНУ-ын Хүнс, Эмийн Хяналтын Алба/FDA/-д хүргүүлнэ гэж байсан юм.
Харин тухайн үед FDA-ээс “Америкчуудад одоогоор өдөөгч буюу нэмэлт тун шаардлагагүй” гэж мэдэгдсэн. Гэсэн ч хэдхэн хоногийн өмнө FDA нэмэлт тунгийн талаар зөвлөмж гаргажээ. Ингэхдээ “вакцины нэмэлт тунг дархлаа султай, эрхтэн шилжүүлэх мэс засалд орсон” иргэдийг л “бүүстер” тун хийлгэхийг зөвлөсөн байна.
Дэлхийн хэд хэдэн орон гурав дахь тунгаар иргэдээ дархлаажуулж эхлээд байна. Гэсэн ч ДЭМБ-аас гурав дахь тунгийн асуудалд тун хийхийг одоог хүртэл дэмжихгүй байгаа юм. Тодруулбал, “ядуу буурай зарим орны иргэд коронавирусийн эсрэг вакцины эхний тунгаа ч хийлгээгүй байхад гурав дахь гэж ярих нь ёс зүйгүй явдал” гэсэн байр суурьтай байна.
Эх сурвалж: FDA
