"Дэлхийн мисс-2021" тэмцээнд Монгол Улсаа төлөөлөн оролцох үндэсний ялагчаар А.Бөртэ-Үжин шалгарч, АНУ-ын Пуэрто Риког зорьсон. 130 гаруй улсын "Мисс"-үүдтэй өрсөлдөж буй тэрбээр хүчтэй өрсөлдөгчийн тоонд зүй ёсоор орж эхэлжээ.
Үндэсний ялагч Ану овогтой Бөртэ-Үжин нь Соёл Урлагийн их сургуулийн “Бүжгийн урлагийн сургууль”-ийг Бүжгийн багш найруулагч мэргэжлээр төгссөн бөгөөд англи, япон, герман, хятад хэлний мэдлэгтэй. Тэрээр мэргэжлийн уран нугараач бөгөөд олон улсад уран нугаралтын аялан тоглолтуудыг хийж байсан юм.
А.Бөртэ-Үжин “Авъяас” шалгаруулалтад шилдэг 27 миссийн нэгээр тодорсон бол Мobstar дээр олон нийтийн санал асуулгын шилдэг 12-т явж байна.
Хэрэв та түүнийг дэмжихийг хүсвэл:
- Гар утсандаа Mobstar app татаж, суулгах
- Gmail, эсвэл фэйсбүүк хаягаараа нэвтэрч орох
- Search- people хэсгээс Burteujin Anu гэж хайх
- Оруулсан зураг бүрт од дарахад л болно.
Энэ жилийн миссийн тэмцээнийн финалын шат АНУ-ын Пуэрто Рикогийн нийслэл Сан Хуаны José Miguel Agrelot Coliseum цэнгэлдэх хүрээлэнд ирэх сарын 16-нд болно.
