Австрийн канцлер К.Нехаммер ОХУ-ын Ерөнхийлөгч В.Путинтэй хэлэлцээ хийхээр өнөөдөр /2022.04.11/ Москвад айлчилж байгаа ажээ. К.Нехаммер Украин руу ОХУ довтолж эхэлснээс хойш Оросын удирдагчтай биечлэн уулзсан Европын холбооны анхны удирдагч болох юм. Австрийн албаныхан түүнийг Москва, Киев хоорондын яриа хэлэлцээг ахиулах хүсэлтэй байгаагаа илэрхийлж, мөн дайны гэмт хэргийн асуудлыг хөндөх болно гэжээ. Мөн тэрээр өнгөрсөн бямба гараг /2022.04.09/-т Украины ерөнхийлөгч В.Зеленскийтэй уулзсан байна.
Эх сурвалж: BBC
