Украины Ерөнхийлөгч В.Зеленский өчигдөр /2022.04.23/ “бүслэлтэд байгаа Мариуполь хотод украинчуудыг Оросын зэвсэгт хүчин устгавал, мөн Орос эзэлсэн нутаг дэвсгэртээ "хуурамч" санал асуулга зохион байгуулбал Украин Оросын талтай хийх хэлэлцээрээ зогсооно” гэж мэдэгджээ.
Түүнчлэн В.Зеленский ОХУ-ын Ерөнхийлөгч В.Путинтэй уулзах хүсэлтэй байгаагаа дахин илэрхийлж, Украины ард түмэн Оросын армиас айхгүй гэдгээ харуулсан тул "Надад айх эрх байхгүй" гэжээ.
В.Зеленский, “Тийм ээ, би дайныг эцэслэн шийдвэрлэхийг хүсч байна. Дипломат арга ч бий, цэргийн зам ч бий. Тиймээс эрүүл саруул ямар ч хүн дипломат арга замыг сонгодог. Учир нь тэр хүнд хэцүү байсан ч олон мянган хүний үхлийг зогсоож чадна гэдгийг мэдэж байгаа” гэжээ. Мөн тэрээр Киев Мариуполь дахь украинчуудтай "байнгын харилцаатай" байгаа гэсэн боловч өөр дэлгэрэнгүй мэдээлэл өгөх боломжгүй гэжээ. В.Зеленский, "Эдгээр бол манай хүмүүс, манай хот" гэж нэм хэлжээ.
Эх сурвалж: CNN
