АНУ-ын Төрийн нарийн бичгийн дарга Антони Блинкен, Батлан хамгаалахын сайд Ллойд Остин нар өчигдөр /2022.04.24/ Киевт гэнэтийн айлчлал хийж, Украины Ерөнхийлөгч В.Зеленский болон тус улсын бусад албаны хүмүүстэй уулзсан нь ОХУ-ын түрэмгийлэл эхэлснээс хойш тус улсад айлчилсан АНУ-ын хамгийн өндөр түвшний албан тушаалтнууд болоод байна.
А.Блинкен, Л.Остин нар Киев хотод байхдаа Украины Ерөнхийлөгч В.Зеленский, Гадаад хэргийн сайд Д.Кулеба, Батлан хамгаалахын сайд О.Резников, Дотоод хэргийн сайд Д.Монастырский нартай 90 орчим минут үргэлжилсэн хоёр талын уулзалт хийсэн гэж Төрийн департаментын өндөр албан тушаалтан мэдэгджээ.
Тэд айлчлалынхаа үеэр АНУ-аас Украинд үзүүлж буй цэргийн тусламж, Украины цэргүүдийг сургаж буй сургалтын талаар, Жо Байдены засаг захиргаа Украиныг НАТО-гийн хүчин чадалтай системд шилжүүлэхэд туслах зорилгоор гадаадын цэргийн нэмэлт санхүүжилтээр 713 сая ам,долларын санхүүжилт олгохоор төлөвлөж байгаа талаар ярилцжээ.
Эх сурвалж: CNN
